బృందావనం - బావగారూ బాగున్నారా పార్ట్ 2 - ఈ మధ్య రీ మేకులెల్లివైనాయి..ప్రేక్షకుల నెత్తిన కొట్టడానికి.. పాత సినిమా తీసుకుని మసాలా దట్టించి మీదకొదుల్తున్నారు. నిన్న నే బృందావనం చూశా.. ఆ మధ్య వచ్చిన బావగారూ బాగున్నారా గుర్తొచ్చింది. ఒకమ్మాయిని ప్రేమించి..ఇంకో అమ్మాయికి సాయం చేయడానికెళ్లిన హీరో ఇంట్లో అందరినీ (ఏ)మారుస్తాడు. బగీ జంపులు బదులు..సూమో జంపులు ఉన్నాయి...పరేష్ రావల్ బదులు ప్రకాష్ రాజ్ ఉన్నాడు.. సెకండాఫులో బ్రహ్మానందం ఎంట్రీ ఈ మధ్య సెంటిమెంటనుకుంటా. వెనకా ముందూ చూడకుండా ఇరగదీసేవాళ్ళు.. హీరో ఆగమంగానే ఆగి పోయి.. చెప్పే సోదంతా విని..ఫైటింగు చేయకుండా ...తన్నులుతినడం..హీరోయిజం..ఇద్దరు హీరోయిన్ లు కామన్. చివర్లో ఎవరిని చేసుకుంటాడో అని సస్పెన్సు.. పెడ్డెంటీయార్ ఎంట్రీ గ్రాఫిక్స్ ...జనాల కోసం..ఎప్పుడో ఒక సారి బాగుంటుంది కానీ ప్రతీ సారీ అంటే ?? ఒకటో రోజు నుంచే హిట్టైంది బాబూ అంటూ ఆ ప్రెస్సు మీట్లేంటో.. కలెక్షన్ల లెక్కలేంటో.. మరి అన్ని కోట్లకి.. వీళ్ళు టాక్సులు కడుతున్నార ? సినిమా చూసే మంకేమో ఎంటర్టైన్ మెంట్ టాక్స్ .. వాళ్ళకి మాట్రం వుండదేమో..?
మహేష్ ఖలేజా కూడా చూసి దొబ్బించుకున్నా .... సారీ ఆ సినిమాలో ఆ డైలాగు అన్ని సార్లు వినీ వినీ అలా వచ్చేసింది.. అదేంటో హీరోకి ఇంకేదీ దొరకనట్టు అదో ఊతపదం(బూతుపదం) పెట్టారు. చాలా కాలం క్రితం అమితాబ్ బచ్చన్ ది మిస్టర్ నట్వర్ లాల్ అని ఒక సినిమా వచ్చింది.. అందులో దేవుడు వచ్చి పులినుంచి రక్షిస్తాడని ఎదురు చూస్తుంటారు ఒక కొండ మీద జనాలు.. అక్కడకి జేరిన అమితాబ్ నే దేవుడి గా చూస్తారు ఆ ప్రజలు... మొదట ఇష్టం లేక పోయినా వాళ్ళ కష్టాలు చూసి వాళ్ళని రక్షించే పనిలో పడతాడు అమితాబ్. ఆల్మోస్ట్ గా అదే మూల కధ తో నడిచిన ఈ సినిమాలో మగధీర చాయలు కూడా కనబడతాయి.కనీసం రావు రమేష్ ప్లేసులో ఇంకెవరినన్నా చూపించినా బాగుండేది. సేం మగధీర లాగానే .. యంత్రాలు..మంత్రాలు వేసి... హీరో కనపడగానే కళ్ళల్లో దుమ్ము పడుతుంది..పక్షులు రెట్ట వేస్తాయి,,,, కుక్కలు మొరుగుతాయి.. అంటూ ఏవేవో చెప్తాడు.. ఇంక అనూష్క తన యాక్షన్ అంతా అరుంధతి లో చూపించేసింది కాబట్టి... మరో కోణం లో టాలెంట్ చూపించే ప్రయత్నం చేసినట్టున్నారు.. అసలు త్రివిక్రం సంభాషణలు అంటే పంచ్ కామెడీ కోసం చూస్తారు జనాలు.. కానీ ఇందులో మరో రూపం లో వున్నాయి డైలాగులు.. అమెరికా లో ఈ సినిమా చూసినప్పుడు ధియేటర్ లో ఉన్నది మేమందరం కలిపి 34 మంది..ఇది నిజంగా నిజం.. కానీ మర్నాడు పేపర్లలో..సైట్లలో చూస్తే అమెరికాలోనూ అద్భుతం గా ఆడేస్తోంది..కలెక్షన్ల వర్షం అనీ బిల్"డప్పు " .. ఎంటో.. ఈ లెక్కలు..తొక్కలు కాకుండా సినిమా కధ ..కధనం మీద ఎప్పుడు కాన్సంట్రేట్ చేస్తారో మనవాళ్ళు. వీళ్ళందరూ సినిమాలో కన్నా ఈ ప్రెస్ మీట్ లలో నే ఎక్కువ నటిస్తారేమో... ఆ సీన్ అద్భుతం గా వచ్చింది..జనాలకి ఈ పాట నచ్చింది...చాలా కష్టపడి తీసాం..అంటూ.
మొదటి రెండు రోజులూ ఎలాగూ జనాలు చూస్తారు..అభిమానులు .. ఇంకా యూతు... చాలా మంది చూస్తారు...అందుకు హౌసు ఫుల్లు ఖాయం.. మరి రెండో వారం నుంచీ జనాలు ఎక్కడున్నారో వెతుక్కోవాల్సిందే.. అభిమానులకి కూడా నచ్చట్లేదంటే లోపం ఎక్కడుందో మన హీరోలూ...నిర్మాతలూ..దర్శకులూ ఆలోచించుకోవాల్సిన విషయం..
ఇవాళ పొద్దున హిందీ లో హం అనే సినిమా వచ్చింది.. హీరో తన తమ్ముళ్ళతో ఎక్కడో ఒక మారు మూల గ్రామం లో సాధారణ జీవితం గడుపుతుంటాడు... అనుకోని పరిస్థితులలో తన గతం చెప్తాడు.. ఆ గతం లో అతనో పోర్ట్ కూలీ..అన్యాయం చేసే ఒక ధనికుణ్ణి..అతని సైన్యాన్ని తుదముట్టించే డాన్ రేంజ్... ఫ్లాష్ బాక్ తరువాత ..మళ్ళీ ఆ ప్లేసుకెళ్ళి జనం కోసం విలన్ లని తుద ముట్టిస్తాడు.. ఇదీ స్టోరీ... మీకు ఒక బాషా, ఒక సమర సిమ్హా రెడ్డి, ఒక నరసిమ్హ నాయుడు, ఒక ఇంద్ర, లాంటివన్నీ గుర్తొస్తున్నాయ...గుడ్... వీటన్నిటికీ రచయిత ఒక్కరే.. చిన్ని కృష్ణ..
అదీ మన సత్తా..
నచ్చితే నలుగురికీ చెప్పండి..నచ్చకపోతే నాకు చెప్పండి
7:48 AM
funcounter
Posted in: 
